Dalan In Hriamkai Pawl Umnak Ava Hawl Ih An Rak That

Bago Division, Nyaung Lay Pin Township, Madauk ramsung ah bomb puak thuhla theih ding aum ringring. May 27 sun ihsin ralkap/palik sakhan kiangkap ah bomb a puak ṭheu ruangah ralkap in bomb puahtu zingzoi dingah dalan pawl an fial.

Ko Than Nwe Aung cu veng lal, inn 100 uktu a si ih dalan ṭuanlai a si. Thuibu khua kiangah hriamkai pawl an um ti a thei ih ralkap pawl hnenah a sim thei.

Ko Than Nwe Aung le a rualpi dalan 2 in ralkap pawl an hruai ih Thuibu khua kiangah cun an va feh nan hriamkai pawl cu an rak um lo. Ralkap pawl an hmaisong tuk, Ko Than Nwe Aung le a rualpi 2 cu thuphan per vek ah an cang ih an thinheng.

Ralkap pawl an tlung hnuah an rualvah thum in Thuibu khua kiangkap ahcun an vak ih hriamkai pawl umnak an hawl, cutawk ah hriamkai pawl thawn an tongaw thutthi ih an kai.

An phone sung an zohsak ih Ko Than Nwe Aung ih phone sungah ralkap pawl thawn vei tampi an biakawknak an hmu ruangah an that.

A rualpi 2 in ‘kan thlun duh lo cingin, hramhram in in sawm ruangah kan thlun men’ an ti ruangah an suahsal, a rualpi 2 in an thilton cu an relsuak. Ralkap pawl an va fehsal ih an kapaw ciamco nan mipi lamah hliamtuar le mithi um loin an tlansuak thei.

Be the first to comment

Leave a Reply

Your email address will not be published.


*