Dalan In Ralkap Pawl Arak Ko Thup Ih KIA 4 An That

Kachin, Shiaduyut khua ih um pacang Zaw Min Thant cu siivai ṭha lo tham ṭheu a si ih hlei ah ralkap pawl thawn hna an ṭuantlang ṭheu. Ralkap pawlin an humhim ih China milian pawl thawn daan loin lungmankhung lai in hna an ṭuantlang.

A kuthnuai ah dalan hnaṭuan an um bet, vengsung mipi pawl ih cangvaihnak le KIA pawl ih thuhla cu ralkap hnenah arak sim ṭheu. KIA lamin warning an pe zo nan ziangah a siar lo ruangah May 26 ah KIA minung 7 cu an inn ah an va feh.

Asinan KIA pawl an ra ding ti cu Zaw Min Thant in an rak theithup ih ralkap pawl hnenah a sim. Ralkap 50 hrawngin KIA cu an rak bawh. An innsung le lamzin kap ah an rak um ih KIA pawl an va thleng veten an rak kap ciamco hngal.

KIA 4 cu a hmun ah an thi cih, vanṭha ah 3 cu an tlansuak thei. Ralkap lam khal hliamtuar an um ve ih Zaw Min Thant ih unaupa khal hliam a tuar. Ralkap pawlin Shiaduyut khua sungah zohman lut/suak an siang lo ih hmuntinkim ah an um khat thluh ti a si.

Be the first to comment

Leave a Reply

Your email address will not be published.


*