Dalan Innsang Member 5 Cu An That

Sagaing Division, Tangse Township, Leikchan khua ihsin peng 5 hlatnak hmun Shwe Hmaw ah dalan innsang member 5 cu that an si. September 19 zan nazi 6:30 hrawngah bomb le meithal thawn an kap ih an that, zo pawlin an kap ti cu an thei hrih lo.

Dalan innsang an si ih Pyu Saw Htee member khal an si. Kaa Paung Kya khua siatsuahnak khalah ralkap pawl lakah an rak telve tin tualsung mi pakhat in The 74 Media thuthang hnenah a sim thei.

“U San Win tei innsang a si, fate 4 anei nan an thatnak hmun ahcun a fapa 3 le an nupa lawng an um. An motor cu bomb in an puah hnuah an kap that, an innsang member 5 in an thi thluh ti kan thei. An fapa 3 cu Kaa Paung Kya khua siatsuahnak ah an telve, U San Win khal dalan a si” a ti.

August thla sungah ralkap le an kuthnuai ih um pawlin Kaa Paung Kya khua le Leikchan khua cu an va nuai ciamco, khuasung mipi khal an thi tam zet ih an inn le lo khal an siatsuah.

September 17 zan khalah Tangse ramsung ih um nupa tuakkhat cu zo ti theih lo pawlin meithal in an rak kap ciamco. Anmah cu ralkap lamtang Pyu Saw Htee member an si ih raldo dan an zir hnu khua ah an va tlung cu an rak kap ruangah innsang pabik cu a hmun ah a thi cih, a nupi khal hliam nazet tuar in siizung ah an tuamhlawm rero lai.

Be the first to comment

Leave a Reply

Your email address will not be published.


*