“Dalan Na Ṭuan Lai Ding Asilen Na Duhmi Cerek Mu Hril Awla Na Hnenah Ara Thleng Cih Ding” Tin Ralrinnak An Pe

Mandalay Region, Kyaukse District, Letpan khua ih um U Myo Myint Aung cu ralkap pawl thuthang pe ṭheutu dalan tin a hminthang zet. Curuangah U TayNa (ဥတေန) Dungthluntu pawlin ralrinnak an pe ih dalan ṭuan nawn lo dingin an hringhro.

Tualsung mi pakhat in “Khuasung ih thilthleng le khua kiangkap ih thilthleng pawl cu ralkap hnenah arak sim ṭheu. U TayNa Dungthluntu pawl timi cu hitawk ramsung ih pawlkom pakhat an si.

Tu’hrih ahcun hminthup in an cangvai rero lai. A hlan ih dalan pawl nuaitu khal anmah an si ko ding” a ti. An canganmi cu “Letpan khuami U Myo Myint Aung, dalan na ṭuan lai ding asilen na duhmi cerek mu hril awla na hnenah kan lo kuat ding” tin August 23 sun ah ca an kuat.

Kan dung naite khalah an khua kiang Yepyitgyi khua ih um dalan picang, Pyu Saw Htee hruaitu U Aye Min Maung cu zo ti theih lo pawlin nam in an sat that ih tikawng ah an hlon.

Be the first to comment

Leave a Reply

Your email address will not be published.


*