Dalan Naupai Cu PDF Pawlin Ralrinnak An Pek Ruangah Ralhrang Pawlin An Kil

Ayeyarwady peng, Pathein khawpi ih um ralhrang lamtang dalan hminthang naupai lai cu tualsung mipi ralkap PDF pawlin ralrinnak an pek ruangah Pyu Saw Htee le ralhrang pawlin an kil ringring. Pyidawta vengsung ih um Daw Thuzar Phyo Thwin cu dalan hminthang a si, a naupai cu thla 7 a kim zo.

PDF in ralrinnak an pek ruangah ralhrang pawlin an inn cu meithal kengin an kil ringring. Vengsung mi pakhat in, “Kan dungah PDF pawlin ralrinnak ca an pe, ralkap in kilhim dingin Pyu Saw Htee pawl an sawm” a ti.

Pathein khuasung ah PDF pawl an lut ti thawmvang an theih ruangah Daw Thuzar Phyo Thwin tei inn cu sun le zan in an kil ringring. Daw Thuzar Phyo Thwin ruangah mino 10 lenglo an kai zo ih midang cu khuasung ah um ngam loin an tlan.

Tualsung PDF ṭuanvo neitu in, “Thla 7 naupai lai a si ruangah kan that lo ih ralrinnak lawng kan pe, ralrinnak kan pekmi hi a thlun lo asilen amai mawhphorhnak a si ding” a ti.