Dalan Pafa An Kap Ih Pakhat A Thi

Ralkap lamtang, ralkap pawl lamzin khihhmuh ṭheutu pafa cu October 31, 2021 zinglam nazi 9:00 hrawngah zo ti theih loin an kap ih pakhat a thih thu theih a si. An pafa in ralkap pawl an hruai ih lamzin an khihhmuh ṭheu, khua dangdang ah ralkap pawl an hruai ih mipi inn le lo an siatsuah vivo.

Kum 60 mi pacang U Thein Lwin cu a hmun ah a thi cih, a fapa kum 25 mi Ko Po Seik khal meithal kahnak hliamhma nazet tuar in siizung ah an tuamhlawm rero lai.

Tualsung mi in “U Thein Lwin cu a hmun ah a thi cih, a fapa khal a hliamhma tuar a nasa tuk ruangah Mandalay siizung ah an phurso. Ralkap pawlin Leikchan khua an urkangnak ih mawhphurtu bik an si, ralkap pawl cu Leikchan khua ah an hruai ih khua cu an urkang. Khua dangdang khalah ralkap pawl an hruai ih mipi inn le lo an siatsuah ṭheu” a ti.

Sagaing, Taze ramsung, Kapaungkya khua le a kiangkap ih um khua pawl cu ralkap in an nuai ṭheu. Khuasung mipi pawl cu ramlakah an tlan thluh, Kapaungkya khua inn hi ralkap in vei 10 lenglo an rak urkang zo.

Be the first to comment

Leave a Reply

Your email address will not be published.


*