Dalan Ruangah Sualnak Neilo Pafa An Kai, An Vel Ciamco

Meithal, hriamhrei keng aiin dalan pawl an ṭihnung sawn an rak ti ṭheu. Kachin State, Mohnyin khawpi ih um kum 60 mi U San Lwin cu engineer hminthang a si ih a fapa kum 20 mi Ko Lin Let Aung in hnaṭuan a bawm ṭheu.

June 25 zanlam ah Myitkyina ihsin an va tlung cu ralkap 20 hrawngin an rak hmuak. An inn ah an lutchilh ih puak thei thilri an phur tin hektu an um ruangah an kai, vengsunng mipi hmuh ah an vel ciamco ih hmun dangah an hruai.

Anmah theitu pakhat in “Vengsung um dalan in thuthang dik loin a hek ruangah a si ko, puak thei thilri an phur tin an hek ruangah an kai. An parih lungawi lonak neitu an si ko ding, an innsung zaten an hai thluh nan zianghman an hmu lo.

Innsung ih phone zaten an la ih an sumpai khal an laksak. Tuisun ah Myitkyina ihsin an ra thleng pekte, hnaṭuan thuhla ah an pafa in Myitkyina ah an feh ṭheu. Ramkhelnak khalah an tel dah lo, dalan in thuthang dik loin an hek” a ti.

Ralkap pawlin khuitawk hmun ah an hruai ti an thei hrih lo. Ralkap in Myanmar ramsung thuneihnak an lak hnu thla 5 sungah minung 5156 zat an kai, minung 1965 zat cu kai dingin an hmin an tarlang ih an hawl rero lai tin AAPP in June 25 sunah an tarlang.

Cun, ralkap kut sungah mithi 881 zat an um zo nan ralkap lam cun 300 hrawng lawng tin an phuang. Cuvek dinhmun a si ruanagah NUG in leitlun huap court ICC ah Myanmar ralkap cu tazacuai dingin an tawlrel rero lai.

Be the first to comment

Leave a Reply

Your email address will not be published.


*