Dalan Ruangah Tlawng Sayama Hmelṭha An Kai

Irrawaddy, Mae Zaligone khua ih um tlawng sayama Sue Yati Htun cu a hmelṭha in a fel zet. Ralkap cozah duh loin CDM ah a lut ih ralkap pawlin kaih an tum, curuangah khua dangah a tlan ih a relh.

May 26, 2021 zanlam ah a thupten a tlung ih a hnipuan ṭhenkhat le thildang a ṭulhaimi pawl a la, cutin innsung ih aum laitak ah ralkap pawlin an va kai. Venghnen pawlin ‘Dalan pakhat khat ruangah a si ko ding. A tlung ti an rak thei ih ralkap hnenah an report si ko ding” an ti.

Tlawng sayama Daw Suyati Tun cu tutiang an suah hrih lo ih a innsang pawl khalin an pehtlaih thei hrih lo.

Kan dungih an kaihmi tlawng sayama pakhat khal court in kum 3 sung thawngtla dingin a thu a ṭhenkhat ih sayama in “Ralkap kuthnuai ih hna ka ṭuan ding aiin thawngtlak poi ka ti lo sawn. Hringhro ruangih miṭih pawl cu ralkap lawng an si” tin court hmai ah a au rumro.

Be the first to comment

Leave a Reply

Your email address will not be published.


*