Dalan Thianfai Dingin PDF (6) An Poksuak, An Thuhla A Putsuak Ruangah An Thi

Mandalay, Madaya ah PDF (6) in dalan thianfai an tum, an thuhla hi a thupten a putsuak ih ralhrang pawlin an rak bawh. Ralhrang pawlin a burpin an kap ih an nunnak a liam.

June 15 sun ah UDawng Lal-PDF hruaitu Wah Gyi hohanak in dalan thianfai an tum, Nweyon khua ah an va feh. Ralhrang pawlin an rak bawh cia ih an kap, an hruaitu Wah Gyi telin PDF (6) ih nunnak a liam.

UDawng Lal-PDF in, “Guerrilla Revolution ralkap (2) le Maha Miat ralkap (4) cu dothlennak ah an nunnak a liam” tin an riahsiatnak an tarlang.

Ralhrang pawlin an phone 6 an laksak ih an phone fehtlang in midang pawl khal kaih an tum rero lai. June 20 sun ah ralhrang 500 hrawng cu Kaukyoepon khua ah an va feh ih an phone hmangin zingzoinak an tuah.

Be the first to comment

Leave a Reply

Your email address will not be published.


*