Dalan Tumpi Cu Kuva A Lei Laiah An Kap That

Mandalay Division, Singu Township, Shwe Pin Yoe khua ih um pacang U Aung Myint cu ralkap lamtang a si ih dalan hminthang khal a si.

Ralkap in khuabawi an ṭuanter ih amah ruangah vengsung mipi pawlin harsatnak an tong ṭheu. Tuizing July 2 zinglam nazi 8:00 hrawngah kuva a lei cu zo ti theih loin an rak kap that.

Vengsung mi in “Ma Saw kuva dawr ah kuva a lei ih an rak kap that. Vei 6 maw vei 7 hrawng an kap ih a hmun ah a thi cih, khuabawi ṭuanlai a si. Ralkap hnenah thuthang sim ṭheutu dalan tumpi a si, mipi pawl hnenah harsatnak phunphun a pe ṭheu” tin Khit Thit Media hnenah a sim.

An vengsung ah palik/ralkap pawl an va thleng zo, khuasung mino le an innsang pawl cu hmun dangdang ah an rak tlan thluh man. Tuizing July 2 thotho ah Dawei ih dalan hminthang pakhat cu zo ti theih loin an kap ih hliamhma nasa zet a tuar nan a thi lo.

Be the first to comment

Leave a Reply

Your email address will not be published.


*