Damlo A Hmuh Tinten A Tlansan Dah Lo, Yangon Mino Hliamtuar Pawl A Tuamhlawm Laiah An Kai

December 5, 2021 zinglam ah Yangon, Kyimyindaing ramsung ah mino pawlin lamzawhnak an nei, cutin an lamzawh lai cu ralhrang pawlin motor in an va pah rumro ih meithal khal an hmetpuak. Lamzawhnak ih tel mino pakhat in, “Minung 5 cu an pah that, motor in an pah hnuah minung 15 aitam an kai ih hliamtuar 12 hrawng an um” a ti.

Himi an buainak kiangkap ah Ma Kyu Kyu Thin le a rualpi le pawl an rak um ih mino hliamtuar pawl cu an tuamhlawm ruangah ralhrang pawlin an kai. Ma Kyu Kyu Thin cu Insein Township Red Cross Society ih hnaṭuantu a si.

Kum 20 mi lawng a si lai nan a taima tuk ruangah a hnaṭuannak ah a sinak khaisang a si. Damlo bese tuamhlawm ṭul an um ti a theih veten zanṭim lai khalah zianghman ṭihnak nei loin a poksuak ṭheu. Covid-19 thlisia a hrang lai khalah inn lamah um thiam loin damlo pawl a tuamhlawm ṭheu.

A hnaṭuanpi pawlin, “Kan naunu ih thinlung cu a pacang tuk, damlo a hmuh tinten a tlansan dah lo. Amah lawng asilo Red Cross hnaṭuantu zaten an si thluh, miphun sakhua thleidannak nei loin damlo an si phot cun thinlung zaten peaw in an tuamhlawm ṭheu. Damlo, hliamtuar pawl tlansan ih a luat ding hnakin hliamtuar pawl tuamhlawm a hril sawn” a ti.

Be the first to comment

Leave a Reply

Your email address will not be published.


*