Datsii Man A Kai Ruangah Meisa Man Khal A Kai Vutvo, Mon Ramsung Ahcun Unit Khat Ah Ks.1550 A Si

Mon State, Ye pengsung ah August 17, 2022 ihsin meisa man cu unit khat ah kyat 1550 a si thlang ding tin meisa lam ṭuanvo neitu pawlin an phuang.

“Datsii man a kai tuk ruangah meisa man khal a kai. Unit khat ah Ks.1550 a si thlang ding. Cun sun nazi 12:00 ihsin nazi 1:00 tiang meisa a thi ding, zan nazi 12:00 ihsin zinglam nazi 4:00 tiang meisa a thi ding” tin an phuang.

Tualsung mi pakhat in, “Meisa man a kai tuk. Unit khat ah 1550 in a kai ih meisa thih caan aum bet. Zanlai ih meisa thi cu a poi lo, sunlam ih meisa thi cu hnaṭuantu pawl hrangah a buaithlak tuk. Ruah a sur nasa ih ti a lian thawn mipi pawl kan buai tuk” a ti.

NLD cozah laiah cun Ye ramsung ah meisa man hi unit khat ah Ks.400 a si, ralhrang in ramsung thuneihnak an lak hnu ihsin meisa man khal nikhat hnu nikhat a kai vivo.

Ralhrang in ramsung thuneihnak an lak hnuah Mon State, Ye pengsung ah meisa man hi unit khat ah Ks.400 ihsin 900, 1200, 1400 ah a kaiso, thla 6 hnuah 1550 ah a kai lala. Tanintharyi, Myeik ramsung khalah meisa man cu unit khat ah Ks.970 a si ih Kawthaung ramsung ah meisa unit khat man cu Ks.1440 a si.

Be the first to comment

Leave a Reply

Your email address will not be published.


*