Datsii Man A Kai Ruangah Mithi Ruak Ur Man Khal A Let In A Kai

Myanmar ramsung ah thilri bungrua man a kaiso ciamco. Datsii man a kai ruangah mithi ruak ur man khal a let in a kai ve. Bago ramsung ih mithi vuinak hmun ah mithi ruak ur man a kai thu an tar.

Tualsung mi pakhat in, “Ahlan ahcun mithi an um asilen Sipin Zung ah theihpinak ca kan la ih Ks.15000 lawng kan cem, tu’ahcun Ks.30000 in a kaiso” a ti.

Myanmar ramsung ah mithi an tamtuk ruangah mithi ruak pawl cu datsii in an urkang ṭheu, mithi ruak urnak ih datsii pawl cu ramdang ihsin an la ṭheu ih tulai ramsung a buai vekin datsii man khal a kaiso ciamco.

Hmun ṭhenkhat ahcun mithi ruak ur man hi a let 2 in a kaiso. Khuami pakhat in, “Mithi ruak ur man cu a let 2 in a kaiso, mithi neitu innsang pawlin harsatnak phunhnih an tuar phah” a ti.

Be the first to comment

Leave a Reply

Your email address will not be published.


*