David Beckham In A Nupi Victoria Ih Rawlei Mi Danglam Zet A Phuang

Hlanlai bawlung sit thiam hminthang David Beckham (kum 46) in a nupi hlasakthiam Spice Girl Victoria (kum 47) cu kum 25 sungah a rawlei mi cu a kel ringring. Thildang a ei dah lo, nga rawhro mi grilled fish le hanghnah hangrah steamed vegetables lawng a ei ringring tin media hnenah a sim thei.

Victoria Beckham hi hlasakthiam le model, fashion designer ṭuan rero lai a si. David Beckham in, “Rawl phun dangdang ei ṭheu ka si, rawlthaw zet ka ei asilen midang in tep ve seh ti ka duh thei zet.

Asinan ka nupi cu kum 25 sung a rawlei mi hi a kel ringring, kan tonawk ihsin tuini tiang nga le hanghnah hangrah (grilled fish, steamed vegetables) lawng a ei ringring lai. Kan fanu Harper (kum 10) a pai laiah ka pakan ta rawl veikhat ara ei ih a sunglawi ka ti tuk. Himi zanriah kan eitlang lai hi nuam ka ti tuk ih ka hngilh thei nawn lo, cumi hnu ihsin thildang a ei nawn lo” a ti.

A nupi Victoria in, “Kei cu harhdamnak hrangah simple te rawl ka ei ṭheu. Siiti, butter or sauces telmi le sasen pawl hi ka ei duh lo” tin interview-nak ah a sim thei.

Be the first to comment

Leave a Reply

Your email address will not be published.


*