Delhi Ah Duhphorhnak Tuah Chinmi 21 Cu Palik In An Kai, Nazi 10 Hnuah An Suah Sal

March 27, 2022 ah Chin mino pawlin India khawpi New Delhi ih um Sri Lanka Embassy hmaiah duhphorhnak an va tuah. India 4 Myanmar pawl an si.

March 30 ah Sri Lanka ah ‘Bay of Bengal Initiative for Multi-Sectoral Technical and Economic Cooperation’ a vei 5-nak an tuah zik ih cutawk Myanmar rampi aiawh in ralhrang pawl an sawm ruangah India 4 Myanmar pawlin duhlonak an va langter.

“Ralhrang pawl cu Myanmar cozah an si lo, BIMSTEC summit ah Myanmar rampi aiawh in sawm hlah uh” tin duhphrohnak an tuah. Cun, March 27 cu ralkap ni Myanmar Armed Forces Day a si ruang khalah duhphorhnak hi an tuah.

Tualsung palik pawlin an kai ih thu an sut, nazi 10 lenglo an hrentang hnuah thubuai zianghman orhter loin simlam ah an suahsal. Tuisun March 28 khalah Delhi ih um Myanmar mipi pawlin UNHCR hmaiah duhphorhnak an va tuah ding, sun nazi 12:00 ihsin duhphorhnak/lamzawhnak an thok ding.

Be the first to comment

Leave a Reply

Your email address will not be published.


*