Delhi Ah Mizo Tleirawl Cu Misual Kut Ihsin A Tlansuak Thei

Lawngtlai, Electric Veng ih um tleirawl kum 17 mi Mano Malsawmdawngzuala cu Haryana, Badmiton Coaching Academy ah aum. April 30 zinglam nazi 10:00 hrawngah Hyderabad ah Tournament a lek ṭheh ih Delhi Airport a thleng.

Delhi ihsin Haryana lam a pan laiah misual a tong, Taxi Driver in a hringhro ih a phone a lonsak hnuah sumpai Rs.7000 a dil. Naa zetin a hringhro ih a motor sangka khal a lock thluh.Malsawmdawngzuala cu a talbuai lo ih pangai zetin aum, Taxi Driver cu ṭha zetin a bia ih sumpai a kol lo thu a sim thei.

ATM ihsin a laksuah ṭul ih a phone hmangin a innsang pawl hnenah sumpai a dil ṭul pawl a sim. Cutin, Taxi Driver in a phone a pesal hnuah ATM Booth ah sumpai laksuak dingin a feh ih a tlansuak thei. Malsawmdawngzuala in Delhi palik pawl a tong ngah ih thilumdan a sim thei.

Lawngtlai palik pawl khalin an buaipi hngal ih Delhi palik pawl an bia. Malsawmdawngzuala cu Delhi Cantonment Police Station ah aum, Delhi palik pawlin CCTV fehtlang in an zingzoi hnuah Taxi driver khal an kai ngah zo ih thusut fiah dingin an kol lai. (#The Lawngtlai Post)

Be the first to comment

Leave a Reply

Your email address will not be published.


*