Demoso PDF In, “NUG In Rampum Huap Raltho Ding An Phuang Ding Caan Kan Hngak, Culo Cun Kan Mipi Pawlin An Tuar Tuk” An Ti

Karenni Nationalities Defense Force (KNDF) in kahcawlhnak an neih ding thu an rak phuang zo, asinan Karen hriamkai dang pawlin an cohlang ih ralkap pawl kan do vivo ding an ti.

Kahcawlhnak thuhla an relnak ah Demoso Township People’s Defense Force (PDF) pawl an tello nan tu hrih ahcun an rak cawl ve tum.

Demoso PDF thuphuangtu in “Ralkap pawlin inn le lo tampi an urkang, an siatsuah ruangah khuasung ahcun kan do thei nawn lo. Mipi in harsatnak phunphun an tong phah, kannih cun ralkap pawl lawng kan do nan annih in mipi pawl an rak siatsuah.

Kan dosal asilen khuasung inn le lo pawl an siatsuah vivo ding ruangah kan cawl lawk ding. In kap hmaisa asilen kan kap ve ding, NUG in rampum huap raldo ding a phuang ding caan kan hngak lai.

An phuang hnuah cun in kap hmaisa lo asikhallen kan va kap hmaisa ding. Asinan, tu hrih ahcun Karen mipi pawlin an tuar tuk ih doawknak cu kan cawl lawk ding” a ti. Kayah ramsung doawknak ah ralkap in inn le lo, biakinn tampi an siatsuah ih raltlan tingkhat 100,000 lenglo an um zo.

Be the first to comment

Leave a Reply

Your email address will not be published.


*