Donald Trump That Tumtu An Kai

New York City, Queens ih um pacang kum 72 mi Thomas Welnicki in US president hlun Donald Trump a that tum ih a hringhro ruangah tualsung palik pawlin an kai.

Thomas in Donald Trump cu hlanlai misual hminthang Adolf Hitler vek a si a ti. 2020 hrilawknak ah Trump in vote diklo aum tin nasa zetin arak au ciamco zo.

Cutawk ah Thomas in, “Trump hi president dinhmun ihsin a suak duh lo asilen keimah in ralthuam thawn ka suakter” tin ca arak kuat. “Trump le a kuthnuai ih um zawngrual 12 pawl hi ka that thluh ding. Ka ti theimi ziangkim ka tuah thluh, himi ka cangvaihnak dingah luman $350,000 zat in petu ding an um” a ti.

Tualsung palik pawlin Thomas cu an kai zo ih thinlung le a thluak lam zohdiknak nei dingin siizung ah an tuamhlawm rero lai ih a thuhla cu court in a buaipi ding.

Be the first to comment

Leave a Reply

Your email address will not be published.


*