Doral Ṭih Ruangah Afghan Ihsin Ukraine Ram Ah A Tlan Hnuah Ukraine Ihsin A Tlansal, Raltlan Thuahhnih

Afghan pacang kum 40 mi Ajmal cu sahimnak hawlin Ukraine ram ah ava tlan, cumi hnuah Ukraine ramsung a buai ih Poland ramah a tlansal. A nupi thawn fate 2 an nei ih mipa le nunau an si.

Afghan an um laiah kum 18 sung NATO ah hna a ṭuan. US ralkap pawlin an ram an suahsan veten tapung pawlin that an tum ruangah a nupi le fanau pawl hruai in Ukraine ramah an tlan, kumkhat zikte an um hnuah Russia in Ukraine ram a nuai ciamco ih tu’ahcun Poland ramsung ah an va tlansal.

Ke thawn an tlan vivo ih lamzin ah an tonmi bus an to ṭheu. Ajmal in, “Afghan ram kan um laiah cun ka hringnun cu a nuam tuk. Bulpak inn le motor kan nei, ka thlahlawh khal a ṭha tuk.

Asinan tu’ahcun zianghman ka nei nawn lo, ziangkim ka can thluh. Doral pakhat ka suahsan hnuah doral pakhat ka tongsal, ka vanduai tuk. Asinan, ka innsang pawl ka nei lai ih ka lungawi tuk. Ziangkim aiah duhdawtnak hi a thupi bik” a ti.

Be the first to comment

Leave a Reply

Your email address will not be published.


*