Dothlennak A Hril Sawn Ruangah “Kum Cem Len Ka Lo Nei Ding” A Timi A Fala Thawn An Ṭhenaw

Myanmar ramsung buainak ah duhdawt aw zet mi fala le tlangval, innsungsang khal an ṭhenaw rero zo. Mino pakhat khal rampi a ṭha laiah a fala hnenah “kum cem len ka lo nei ding” tin biathu arak hlan.

Asinan ralkap in ramsung thuneihnak an lak hnu ihsin an tiamthu cu a hloral thluh. A fala tlansan in ramlak ah aum ih ralkap pawl a do rero lai, culai takah a duhdawt zet mi a innsang pawlin an fapa sinak ihsin an hlon thu a thei bet ruangah a thinnuam lo zet.

A hmin le an umnak cu thuhsak a si, “Dothlennak ka hril sawn ruangah kum cem ih ka neih ding mi ka duat khal ka tlansan, kum 6 sung ka rak ṭuan zo mi ka hna khal ka tlansan.

Ka duhdawt zet mi ka innsang pawlin in hnawng, dothlennak ka hril sawn ruangah in tlansantu ka fala le ka innsang pawl cu ka dem ngam lo. Ka hmailam fehnak ding lamzin ah ka thinlung tilo cu ka hringnun ah zianghman ka nei nawn lo” a ti.

Be the first to comment

Leave a Reply

Your email address will not be published.


*