Dothlennak Ruangah Kut Pahnih A Nei Nawn Lo, A Fala Thawn Sunglawi Zetin An Neiaw

Chin State, CDF-Zotung ralkap Zaw Thin cu dothlennak ruangah a kut pahnih in a bul, kut lem an bun.

November 2021 ah bomb an test-nak ah cansualnak a tong ih a kut pahnih a bul hnuah a duhdawt zetin a fala thawn kutsihnak an nei. Dothlennak a suak hlanah a fala Ting Mesi thawn an duhaw cia.

Ram le miphun hrangah kut pahnih anei nawn lo nan a fala ih duhnak thinlung cu a danglam cuang lo. May 2, 2022 ah nulepa le CDF-Zotung ralkap pawl hmaiah Christian daan in pastor in kutsihnak a tuahsak.

CDF-Zotung ṭuanvo neitu in, “Vapual rinumnak kan ti ṭheumi cu himi a si. Ka aiin an nauhak sawn nan duhdawtnak, rinumnak neitu an si ih zohthim an tlak zet” a ti.

Be the first to comment

Leave a Reply

Your email address will not be published.


*