Dr. Sasa In “Leitlun’n In Hnawng, An Mit An Sing. In That Tumtu Lak Ihsin Kan Rak Humhim Awk Ve A Ṭul”

SBS News in Dr. Sasa cu online fehtlang in thusutnak an nei, cun ziangruangah Myanmar ram na suahsan? tin an sut. Dr. Sasa in “Myanmar ram ka suahsannak cu phunhnih in aum. Pakhatnak ahcun ka nung humhimnak a si, pahnihnak ah mipi hrang ausuaktu dingah.

Myanmar ramsung ah ka him lo, ramsung ah rak um ringring sehla in that maw, in kai zo ding. Ralkap pawlin kan kaa huppitnak dingah cun ziangthil khal an tuah ding ti ka theicia” a ti. A umnak hi theih a si lo. Myanmar ramsung buainak ah ramdang pawlin in ngaihsak lo, in hnawng tin a ausuak.

Dr. Sasa in “Sualral lian in in nuai rero lai, siatnak rapthlak zet kan tong. Covid-19 thlisia khalin in nuai ciamco, control theih thil a si lo. Cuvek lak khalah leitlin’n in hnawng. An mit an sing, thla 8 sung ramdang bawmnak kan dil rero nan ziangkhal a si lo. Curuangah in that tumtu lak ihsin kan rak humhim awk ve a ṭul.

Australia cozah khal zangfahten ralkap pawl ih sumdawngnak phitsak uh tin kan dil rero zo. Leitlun huap theihpinak hi kan ṭul tuk, ralkap pawl kan nehnak ding ih karbak step pakhatnak a si” a ti.

Australia Department of Foreign Affairs in “Myanmar ram hrangah democracy hi kan duhpi, an buainak cu thahrum thawhnak si lo, daiten cinfel dingin kan duhsak. Australia in thahrum thawhnak a nasa sinsin ih nunnak an hlot tamtuk pang ding ti kan phang. Ramsung an buainak cu ralkap le NUG in reltlang in cinfel sehla kan duhpi” a ti.

Be the first to comment

Leave a Reply

Your email address will not be published.


*