Dubai Ah Hnaṭuan Dingih Feh Kawlram Mi Harsatnak Tong An Tam

Myanmar ramsung a buai ruangah ramsung ah hnaṭuan ding thiṭha aum nawn lo, mino tam zet cu Dubai ram ah hnaṭuan dingin an fehsuak ih harsatnak phunphun an va tong.

Mibawmtu Pawlkom Labor Right Promoters ih ṭuanvo neitu in, “Dubai ramsung ah harsatnak tong Kawlram mi an tamtuk. Hnaṭuan ding aum tin an ko ih hnaṭuan ding aum ngaingai lo, room sungah an kalhkhum ih vahsuah an siang lo. Harsatnak tong Kawlram mi lakah Karen miphun an tambik, ekinn sung tidai in rawl an suang, ṭhenkhat cu United Arab Emirates ramsung ih um Oman khawpi ah hnaṭuan dingin an kuatsawng.

Oman ram ih an hnaṭuan cu a harsa tuk, an thlahlawh khal a mal. Kawlram ah an tlungsal tum asilen ting 100 an kuanter tum. Oman ih an thlahlawh cu ting 4 ihsin ting 7 hrawng an ngah, an thlahlawh khal a bangaw lo cio. Thailand ram ih hnaṭuan a hlawk sawn” a ti.

Thailand ih um Kawlram mi pakhat khalin, “June 7, 2022 ah Bangkok Airport ah kan Falam mi, Kalay ih um fala pakhat in harsatnak a tong. Dubai ah thla 3 sung ava um ih hnaṭuan man a ngah lo bet in a hnaṭuannak innsang pabik in itpi a tum ṭheu.

Visa le phone khal an block sak ih agent pawl khalin zianghman an tuahsak lo. Cutin harsat zetin ara tlung thei, Covid-19 cahnah a diklo ruangah Bangkok Airport ah zamsuah an siang lo. Pathian zarah kan nu thawn an tongawk ngah ih Kawlram lam thawn kan nu phone in an contact ngah ih cutin June 8, 2022 zinglam ah Kawlram a zam kirsal thei” tin a tarlang.

Be the first to comment

Leave a Reply

Your email address will not be published.


*