Duhdawtnak Ih Neiaw Maw, Nulepa Ih Duhmi Nupi Pasal Nei A Ṭha Sawn? Mi Tam Sawn Cun Nulepai Duhmi Neih An Ti

Kan Chin nunphung ahcun fala le tlangval an duhawk hnuah an neiaw ṭheu, asinan khuahlan kan pilepu san ahcun nulepai duhmi, lungkimnak lawngin nupi pasal an rak nei ṭheu. Leitlun ram ṭhenkhat ahcun duhdawtnak ih neiaw aiin nulepai duhmi sawn nupi pasal ah an nei rero lai.

Himi thuhla an zingzoinak ah nulepai ih duhmi nupi pasal nei hi a ṭha sawn titu an tam. Nulepai thulung cu thlasuah conak an rak ti vekin nulepai duhmi nupi pasal nei cu thlasuah an dong hleice an ti.

Cun an zingzoinak ah duhdawtnak ih neiaw aiin nulepa duhmi nupi pasal nei pawl cu an ṭhenaw mal sawn, duhdawtnak ih neiaw fala le tlangval pawl cu a rei hlanah an ṭhenaw cingcing ti an hmusuak. Minung duhdawtnak cu sersuah a theih, neihawk hnuah duhdawtnak cu a parsuak vivo thei tin an hmu.

Nulepa ih duhmi nupi pasal nei pawl cu an umtlang rei tikah duhdawtnak a parsuak vivo, thlasuah an co ruangah an duhdawtnak khal a hngetkho vivo. Asinan, duhdawtnak ih neiaw pawl cu an umtlang rei tikah an duhdawtnak cu a cuai vivo ih harsatnak phunphun an tong ruangah an ṭhenaw.

Cun duhdawtnak ih neihawknak khuatlang ah nupa sualnak a tam sawn ṭheu an ti. Nulepa cun an fale hrangah thilṭha bikin an tawlrel sak ṭheu, fale pawl aiin nulepa hi an fim sawn, hringnun khalah hmuhtonmi an rak nei tam sawn ruangah an thulung cu a ṭha sawn ti an thei.

Duhdawtnak Ih Neiaw Maw, Nulepai Ih Duhmi Nupi Pasal Ih Nei A Ṭha Sawn? timi thulu ahcun kannih Meifar cun ruatnak kan nei lo, nangmah in na thei sawn ding ti kan zum ih comment ah in rak sim hnik…

Be the first to comment

Leave a Reply

Your email address will not be published.


*