Eaindra Kyaw Zin A Thi Timi Thuthang Diklo A Lengvak Ruangah Mipi Pawl An Riahsia Man

Kum 44 mi Eaindra Kyaw Zin cu Myanmar zuknung khawvel sungah theilotu an um zik lo, Academy laksawng khal vei tampi a ngah zo.

A pasal Pyay Ti Oo khal milar hminthang a si ih fate 2 an nei, Myanmar ramsung buainak ah nasa zetin an rak cangvai. Lamzawhnak ah an tel ih a phunphun in ralkap cozah cu an dodal ruangah ralkap pawlin an kai ih Insein thawnginn sungah an khum.

Ralkap pawlin thawngtla ṭhenkhat an suah ṭheu nan Eaindra Kyaw Zin tei nupa cu an suah dah lo. Eaindra Kyaw Zin in a fanu le a fapa cu a hmu cak thei tuk nan tongawk khal an siang dah lo, cutin Insein thawnginn sungah a damlo ti theih a si.

A damlonak cia lunglam ṭhalo le thacau in a damlo bese ih thawnginn sungih siizung ah an tuamhlawm. Mipi in dam lohli hram seh tin thaza an cam rero laiah a thi tin thuthang diklo a lengvak cu an riahsia zet man.

A thih thuhla cu a darh nasa zet ih thungai a si leh silo an sutaw rero, curuangah Eaindra Kyaw Zin ih Director Maung Myo Min in “Eaindra Kyaw Zin cu ziangtin hman aum lo. Thudiklo hi rel rero hlah uh” tin a tarlang.

Be the first to comment

Leave a Reply

Your email address will not be published.


*