Eaindra Kyaw Zin Make-Up Sayama In A Mang Ah A Hmu Ih A Thinhar

Kum 44 mi Eaindra Kyaw Zin cu Myanmar lemcan thiam hminthang a si, a pasal Pyay Ti Oo khal milar hminthang pakhat a si. Fate 2 an nei zo.

Myanmar ramsung buainak ah lamzawhnak ah an rak tel ṭheu ruangah ralkap pawlin pukmah 505 hmangin an kai ih Insein thawnginn sungah an khum.

Tutiang an suah hrih lo ih an suah ding caan khal zohman in an thei lo, Insein thawnginn sungah Eaindra Kyaw Zin cu lung damlonak le thacau in a damlo ṭheu ruangah mipi pawlin an seherh thei tuk. Kum reipi sung a make-up sayama rak ṭuan rero tu Khin San Win in September 1 zanah a mang ah a hmu.

Khin San Win in “Zan ka mang ah Eaindra Kyaw Zin ka hmu, Kawl hnipuan arak hruh ih a dum zet. In hmuh veten in pom ih a ṭap cih, kei khalin ka pom ih ka ṭap ve. A fale 2 khal a pom ih a ṭap. Ka fanu te hi damcak zetin a umnak hmun ah him hram seh, thawnginn ihsin suak thei lohli hram seh” tin a tarlang.

Be the first to comment

Leave a Reply

Your email address will not be published.


*