Egypt Biakinn Kang Ah Mi 41 An Thi

August 14, 2022 zarhpisun ah Egypt, Giza khawpi ih um The Coptic Abu Sifin church cu a kang vutvo. Biakinn sungah minung 5,000 hrawng an khawm aw, kangmei in an lutsuahnak lamzin a kham ruangah mithi le hliamtuar an tam.

Mithi 41 an um ih hliamtuar besia zetzet khal siizung ah an tuamhlawm rero lai. Mithi lakah nauhak 18 an um ih kum 3 ihsin kum 16 mi an si. Kangmei a suahdan cu an theifiang hrih lo ih an zingzoi rero lai.

Biakinn kiangih um Father Farid Fahmy in, “Electri meisa hri ruangah a si. An khawm laiah meisa a thi ih meisa cet generator an nun, meisa ara umsal ih meisa thazang a tamtuk ruangah kangmei a suak” a ti.

Kiangkap ih um pawlin, “Biakinn dothnihnak le dotthumnak ah an umkhawm. Inndothnihnak ihsin kangmei a suak ih step lamah an tlan ciamco, pakhat le pakhat an pah aw ih an tlu, puak awn kan thei ih sangkate ihsin kangmei ara suak” an ti.

Egyp ram President in tuarnak a langter ih “Pathian thawn umtlang dingin a biakinn sungah mual an liam” a ti. Biakinn khal remṭhatsal dingin a kuthnuai hnaṭuantu pawl a fel.

Be the first to comment

Leave a Reply

Your email address will not be published.


*