Ek A Thawh Laiah Nau A Hring

US, Louisiana khawpi ih um Victoya cu naupai lai a si ih a naupai cu zarh 37 a kim zo. A nau neih ding caan a kim hrih lo ruangah hnaṭuannak ah a feh ṭheu, hnaṭuannak thuhla ruangah khual a tlawng ih a thlennak hotel ekinn sungah nau a hring.

April 1 zan ah a dailen cu rinlopin naute a hringsuak thutthi, a nu a phone hngal ih 911 an ko. Siizung ah an phur ih an nufa in an damcak zet. Victoya hi a pasal thawn an ṭhenaw zo, fanu kum 4 mi a nei. Tuih a naupai mi cu midang hnenah a pe tum ih ziangkim an tawlrel thluh zo.

Asinan, hitin danglam zet ih nau a neih ruangah a fapa cu midang hnenah a pe tumsal lo, a hmin khal a pu hmin Rocky tin a phuah. Victoya in, “Ka thlennak hotel ekinn sungah keimahten nau ka hringsuak, ek ka thawh tum ih naute ara suak.

Midang pek ka tum nan ka fapa in thazang tam zet in pe, mahten cangvai thei dingin huaisennak in pe. Keimahten ka hringsuak thei a si ahcun keimahten a nun khal ka kilkhawi thei ding ti ka thei, curuangah ka fapa cu keimah in ka cawm ding” a ti.

Be the first to comment

Leave a Reply

Your email address will not be published.


*