Nunau pakhat in mipa pawl hi ‘thli an si ko’ a ti. Alexis le a rualnu cu zuhmun ah an va feh ih nuam an cen, a rualnu ih tlangval khal a tel. August 27 ah Australia, Surfers Paradise hmun ih thilthleng a si. An lam rero laiah a rualnu cu thiar aw dingin ekinn ah a feh.
Cumi sungah a tlangval in hmeltheih lo fala dang arak kop, fala thawn an hnam aw ih an hni rero. Tlangval cu fala hmaiah a lam ih fala in a kor in a dir hnuah an hnam aw sal.
Alexis in a rualnu ih tlangval cangvaih dan cu arak hmu ih video in a zuk hnuah ‘mipa pawl hi an rinum lo tuk. A fala ekinn a feh sungah fala dang arak kop man’ tin a tarlang.
Alexis in, ‘Ka rualnu le a tlangval ih dinhmun a ṭha lo ding ka phang ruangah a hmun ahcun zianghman thei vekin ka um. Ka hrang khalah a ṭihnung ding ka phang ruangah daiten ka um’ a ti. Tu’ahcun a rualnu le a tlangval cu an buai zet ding.
Leave a Reply