Esther Dawt Chin Sung “Ṭapa Vek Ih Ka Duhdawt Mi Benjamin Sum Dam Lohli Hram Aw”

Myanmar Idol season 4 Runner-Up Benjamin Sum cu a umnak Mizoram ah Covid-19 nat kai in an tuamhlawm rero lai.

June 2 ah raltlan pawl bawmnak pe dingin an feh ih an rak check-up nak ah Covid-19 a kai ti hmuhsuah a si, cutin inn ah khumhran in aum.

Benjamin Sum cu mibawm ringring tu a si ih zaihla thawn a hlawhsuahmi sumsaw cu Myanmar raltlan pawl bawmnak ah a hlu ṭheu.

Myanmar Idol ngahtu Esther Dawt Chin Sung in “Ṭapa vek ih ka duhdawtmi Benjamin Sum dam ṭha lohli hram aw” tin duhsaknak a hlan.

Cun, Esther in nu vekih arak zohmi Tracy Yinmin Tin ih pasal a thih ruangah an innsang hrang tuarpinak a langter cih. Esthei in “Ka duhdawtmi innsang hrang Pathian hnen ih thlacam saknak ti lo, ti thei dang ka nei lo. Nu vekih ka duhdawtmi Tracy Yinmin Tin le nan innsang zaten Pathian in lo hnem hram seh. Uncle, RIP” tin a facebook cahmai ah a tarlang.

Be the first to comment

Leave a Reply

Your email address will not be published.


*