Esther In Covid-19 Damlo Hrangah Ks 500,000 A Hlu

Myanmar Idol ngahtu Esther Dawt Chin Sung in Yangon, Lai Chiat That Bu ah Covid-19 damlo hrang Ks 500,000 a hlu.

Lai Chiat That Bu ṭuanvo neitu upa pakhat Lian Iap in “Ramsung/ramleng ummi duhdawtmi u le nau pawl nan theih cio ban tukin Covid-19 natsia ruangah tulai Yangon ramsung ah nikhat te ah mithi 1500 lenglo an um caan khal aum.

Ruakkuang hman ding aum nawn lo ruangah puan in ruak kan zual ih kan vui caan khal a tamtuk zo. Kawlram hlasakthiam hminthang Esther Dawt Chin Sung in Covid-19 damlo tuamhlawmnak, Lai Chiat That Bu ah a ṭulnak ih hman dingah Ks 500,000 a hlu.

Pathian in miphun hrangah cawisang vivo hram seh. Yangon Lai Chiat That Bu aiawh in kan lungawinak kan langter” tin a facebook cahmai ah a tarlang.

Be the first to comment

Leave a Reply

Your email address will not be published.


*