Evan. Ngun Nei Mang An Kai

June 22 zanlam ah Evan. Ngun Nei Mang le a naupa cu ralkap pawlin an kai. Kalaymyo, Sekan khua ih um Evan. Ngun Nei Mang ih naupa le a rualpi 2 cu an khuapawn ah an rak to ih thunuam an rel.

Cutin an um laitak ah ralkap pawl an va thleng ih thu an sut, an phone sung khal an zohsak thluh. A naupa ih phone sungah thuthang a share mi le a save mi pawl an hmuh ruangah an kai.

Evan. Ngun Nei Mang in a nau an kai ti a theih veten a rualpi sawm in va buaipi dingin an feh, thilumdan pawl an sut hnuah an unau in an kai.

A naupa ih rualpi 2 cu an suahsal ih an unau lawng an hruai. Ralkap cu 25 hrawng an si ih ke in Zee Chaung, Chinram lamah an fehpi ti a si.

Be the first to comment

Leave a Reply

Your email address will not be published.


*