Fa 19 A Nei Ih A Nautabik Ih Hmin Ah ‘A Tawk’ Tin A Sak Hnuah Fa Neih A Tum Nawn Lo

Turkey pacang in nupi pahnih anei ih fa 19 an nei zo, Turkey ramsung ah nupi pahnih neih siang asilo ruangah pakhat lawng an ram daan le dun vekin anei ih pakhat sawn cu an sakhua daan in anei. A nupi hmaisatu in fa 10 anei ih netatu in 9 a nei, a fapa nautabik ih hmin ah ‘A tawk’ tin a phuah.

A nupi hmaisatu in, “Atir ahcun a nupi thar hi ka rak thik thei tuk, asinan a rei hnuah cun kan duhdawt aw tuk ih unau vekin kan um. Fa khal kan nei veve zo ih a fale pawl cu ka fa vekin ka zoh, ka fale pawl khal amai fa vekin arak zoh ve” a ti.

Fa 19 an neih hnuah Covid-19 thlisia a hrang ciamco ruangah an innsang ah harsatnak phunphun an tong. Sumpai lamah harsatnak an ton ruangah nauhak 4 cu tlawng an kai thei nawn lo.

Innsang pabik in, “Harsatnak kan ton ding ti rak theicia sehla cun fa tampi ka nei zik lo, ka fale pawl hi zanriah ei loin an it caan khal aum. Tualsung thuneitu pawl hnenah theihternak kan tuah rero lai” a ti.

Be the first to comment

Leave a Reply

Your email address will not be published.


*