Facebook Aum Nawn Lo Men Thei

Facebook aum nawn lo men thei ti tikah thinphang ciamco ding asilo, Facebook timi hmin aum nawn lo men thei tinak a si. Kum 17 ih upa Facebook cu February 2004 kum ah an rak sersuak.

Tui hlan hnak ih ṭha sawn leh cangkang sawn ih tuah an tum ruangah a hmin hi thleng danglam an tum rero lai. Phone hnakih ṭha sawn in Facebook hi an remṭha tum, Metaverse timi in Facebook innpi cu remṭhah an tum rero lai.

July thla ah Facebook sersuaktu Mark Zuckerberg in “Facebook ih hmailam caan cun Virtual Metaverse sungah aum. Facebook hmangtu pawl khal a sungah an um thei ding, hna an ṭuan thei ding ih an lek thei ding” a ti.

Facebook tuahṭha dingin hnaṭuantu 10,000 lenglo an um zo. October 28, 2021 sun ah Annual Connect Conference an nei dingih cutawk ah CEO Mark Zuckerberg in Facebook hminthar a phuang ding. Cumi hlan khalah an phuang men thei.

Be the first to comment

Leave a Reply

Your email address will not be published.


*