Facebook In Khawpi An Din Tum

February 2004 kum ih an sersuahmi Facebook hi nikhat hnu nikhat a thangso vivo. Social network, company le sumpai kuat awknak pawl an nei zo ih tu’ahcun khawpi an din tum.

California ih an headquarters Facebook’s Menlo Park HQ kiangah khawpi cu an din tum, a hmin ah Willow Park ti a si ding.

Himi leiram cu 2017 kum ihsin an rak lei zo ih 59-acre hrawng a si, an khawpi ah 1,729 apartments, supermarket, restaurants, siizung le siidawr pawl an sak ding. Facebook office thar khal an sak tum ih hnaṭuantu 7,000 hrawng um theinak building an sak ding.

Facebook pawlin khawpi an sakdan ding cu an tawlrel rero lai. 2020 kum ah Google company in San Jose ramsung ah khawpi din dingin an rak tawlrel zo, a hmin ah Downtown West an tiih a sungah inn 4,000, dawr, restaurants, hotel le thil dangdang an sak rero lai.

Be the first to comment

Leave a Reply

Your email address will not be published.


*