Fala 2 Cu Khuasia In An Hruaihlo

Myanmar ramsung ih mahten ukawk theinak hmun ih um Longtauk khua ah fala 2 cu an hlo, khuasung mipi pawlin khuasia in an hruaihlo an ti.

Khawsen in an hawl rero nan an sulhnu khal hmuh ding um loin an hlo reprep, an hloh hnu ni 10-nak December 6, 2021 zingpit nazi 5:00 hrawngah anmahten an khua ah an va tlungsal ih an umnak khal an theiaw lo. An hmin cu Lwe Lele Oo le Lwe Yin Yin Htwe an si ih Palaung miphun an si.

Inn an thleng hnu khalah an umdan hi a dik thei nawn lo, khuasia pawl hnenah kan fehsal a ṭul an ti rero ruangah an innsang pawl cu an thinhar tuk. Tualsung mi pakhat in, “December 9 sun ah khawtlang upa le kutrin zohthiam pawl cu an inn ah an ko ih a hlu tivek an tuah. Thlacamnak an nei.

Kutrin zohthiam, thlacam thiam pawl hnenah bawmnak an dil, an unau in khitawk hmun ah kan fehsal a ṭul an ti rero. An nulepa cu an thinhar tuk ruangah kutrin thiam an ko” a ti.

November 26 simlam nazi 5:00 hrawngah kum 16 mi Lwe Lele Oo hi a hlo thutthi, a thaisun November 27 zan nazi 9:00 ah Lwe Yin Yin Htwe a hlo ve. Cutin an hloh hnu 10-nak ah an tlungsal, an khuami pawlin an khua ah mihlo aum dah lo, tuhi aveikhatnak a si an ti.

Be the first to comment

Leave a Reply

Your email address will not be published.


*