Fala 35 A Nei Ih A Bumkual Rero Ruangah An Kai

Japan, Osaka khawpi ih um tlangval kum 39 mi Takashi Miyagawa in veikhat ah fala 35 rori anei ih a bumkual rero ruangah an kai. A fala pawlin midang thawn a kop tlang ti hi an rak thei lo lawk, amah hi company pakhat ih thil zuar a si.

Fala tam sawn cu a thil zuarnak ihsin an theiaw thok, fala 35 rori anei ih a suahcam birthday cu diklo thluh in a sim thei. A fala pawlin a birthday ah sumpai le thil mankhung zetzet an pe ṭheu. Duhdawt ngaingai vekin aum ih fala pawlin an theithiam lo, innsang din tlang khal an rak tum man.

A fala pawl hnen ihsin $1,000 zat sumpui le thil mankhung zetzet pawl a bum zo. Asinan, thilsual cu thuh rei a theih lo vekin a fala ṭhenkhat in an theisuak ih police hnenah an report. Fala paziat anei ti an zingzoi vivo ih an zaten an kokhawm.

A suahcam ngaingai cu November 13 a si, fala kum 35 mi in “Ka hnen ahcun February 22 khi a birthday in in sim” a ti. Pakhat hnenah April, a dang hnenah July tin a bumkual vivo. Cutin a suahcam ah laksawng an pe ṭheu.

Online mipi pawlin mak an ti zet ih “Ziangtin fala 35 rori na bum tlu thei, pakhat neih hman kan buai rero si. Nikhat ah pakhat tong khal awla thlakhat sungah na tong thluh thei cuang lo ding. Thilzuar cu na thiam zet ding si hi, na rapthlak tuk nan ka lo thik” tin a phunphun in an comment celcel.

Be the first to comment

Leave a Reply

Your email address will not be published.


*