Thailand, Bangkok rawldawr ah leng le val rual an to khawm. Fala kum 24 mi Saeaia hi Thailand kuatthiam, Muay Thai sualawk thiam a si. Laksawng khal vei tampi a ngah zo, tu’ahcun boxing coach a ṭuan lai.
Saeaia le a rualpi pawl cu cabuai pakhat ah an to, hmundang ih to tlangval kum 35 mi Mareejan in ava ngiar. Mareejan in a uar thu a sim thei ih a phone number a dil nan arak cohlang lo. Mareejan cu a thinheng ih Saeaia ih lu parah beer a tawih.
Fala Saeaia cu a thinheng tuk ih Mareejan cu a sit, a thong ciamco. An rualpi pawlin an va ṭhen ih an buai vutvo. An sualawk lai cu online parah a darh ciamco ih Mareejan cu a hnaṭuannak ihsin an dawisuak. Palik pawlin an pahnih in an ko ih cawh an kuanter veve.
Mareejan cu beer in mi a tawih ruangah 500 baht le khualak ih an sualawk ruangah 500 baht an kuanter. Kuatthiam Saeaia khal khualak ih mi a sual ruangah 1000 baht an kuanter.
Saeaia in, “Ka tham hmasa lo. In hmuhsuam ih daiten ka rak zoh men ding maw. Nunau pawl mah le mah humhim awknak ah kuat zir ve uh, nunau hrangah kuatthiam hi a thupi. Nunau aiin mipa cu an cak sawn, curuangah mah le mah humhim awknak ah kuatthiam a thupi tuk” a ti.
Leave a Reply