Fala An Pawngsual Ih A Serh Ah Palang An Thun

May 23 hrawng ihsin India ramsung ah video rapthlak zet a lar ciamco, cumi cu mipa 4 le nunau 1 in Northeast fala an puahcok lai video a si. A duh lo cingin zu an inter hnuah an puahcok ciamco, an pawngsual hnuah a serh sungah palang an thunbet, pawngsualtu lakah nunau pakhat a tel.

An video a lar hnuah India mipi pawl cu an thinheng tuk ih misual pawl kai dingin an hawl, an thuhla theitu le an umnak theitu hnenah laksawng ṭha zet pek an tum. Cutin an buai laitak ah an pawngsualmi fala cu a orhaw that tin thuthang aum bet.

May 23, 2021 ah Rajasthan, Jodhpur khawpi ah fala pakhat a orhaw that, asinan thuneihtu lam in an pawngsualmi a si lo, mi dangdang an si tin an phuang. Pawngsualtu pawl cu an hawl vivo hnuah Bengaluru ah an kai ngah.

Mipa 4 le nunau pakhat cu an kai ngah ih Bangladesh mi an si ti an thei, mipa 4 ih hmin cu Sagar, Mohemmed Baba Sheikh, Ridoy Babu, le Hakeel pawl an si. Mipi in misual 5 cu thihdaan ohter dingin an dil rero lai, India mipi cu an thinheng zet.

Hliamtuar nunau ih hmin le a thuhla cu an tarlang lo, ṭhenkhat thuthang ahcun Nagaland mi a si ih a hmin cu Lovi Assumi tin an tarlang nan official thuthang pawl ahcun tarlang a si lo thu an phuang.

An thuhla cu a hnok hmel zet, mipi thinheng sosang ding an ṭih ruangah hliamtuar nunau ih thuhla an tarlang lo teh a si thei kem maw ti tiang ruahnak a suahter.

Be the first to comment

Leave a Reply

Your email address will not be published.


*