Fala In A Duhmi Valpa Hnenah Duhthu A Sim Tum Nan Arak Hnawng

China fala kum 20 mi in a duhdawt zetmi tlangval hnenah ningzak khal thei loin duhthu a sim tum nan tlangval in arak hnawng. Fala hi innsang pangai ih thanglian a si ih tlangval cu an vengsung ih milian innsang an si, an tlawngkai lai ihsin fala in arak duh tuk.

Nikhat cu tlangval in BMW motor a mawng, a motor hmaiah fala cu a khukbil in duhthu a sim tum, kiangkap ih um mipi pawlin thilumdan cu an theithiam ih thinphang zetin an zoh vialvial. Fala in a duhthu a sim rero nan motor sungih um tlangval in cangvaihnak zianghman a tuah lo.

Motor sungah daiten a to ringring cu kiangkap ih um mipi pawlin mak an ti tuk, cumi hnuah a motor cu dunglam ah a kirsal ih hmun dangah a feh. Fala khal ningzak zetin a tlan.

Online mipi pawlin ‘Na duh lo asikhallen motor sung ihsin suak ve awla, ṭhaten na duhlo thu simaw. Nunau a sinak tla theithiam sak aw” an ti. Ṭhenkhat in an tlawngkainak khalah fala pawlin an thlun ringring, ṭhaten a biak thluh ding ahcun a hrangah a buaithlak tuk ding’ an ti.

Be the first to comment

Leave a Reply

Your email address will not be published.


*