“Fala Ka Hawl Lai” Tin Ca Kengtu In Fala A Nei Thlang

Kum 33 mi Adam Sanyo in 2015 kum ah nasa zetin fala arak hawl, capi keng rori in a vaksuak ih fala a hawldan ruangah a hminthang zet.

Fala a neihlonak a rei tuk zo ih a umhar tuk ruangah capi kengin fala a hawl, “Ka hmin cu Adam a si, ka fala ding ka hawl rero lai. Kan hnaṭuannak ah mipa 85% kan si ruangah kan hnaṭuannak ahcun fala ka tong thei lo. Asinan, hitawk hmun ah fala ka hawl lai” tin a tarlang.

Cun, a suah kum le a duhmi fala ih mizia pawl khal a ngan, kum 6 hnu 2021 ahcun fala anei zo ti theih a si. Kum 26 mi Eszter thawn an duhaw ih October 26, 2021 ah neiawk an tum. Eszter thawn an tongawk dan cu party-nak hmun ihsin a si, a ca keng ruangih tongaw cu an si lo.

Adam Sanyo in “2015 kum ah capi kengih ka rak vaksuak kha ka diriam tuk, hmuhtonmi thil tampi ka neih phah. Capi ka keng ruangah fala ka sar ngah lo nan hlawknak tampi ka nei, tu’ahcun capi keng ka ṭul nawn lo ih nupi ka nei thlang ding” a ti.

Be the first to comment

Leave a Reply

Your email address will not be published.


*