Fala Kum 22 Mi Cu Nauhak Te Ah An Ruat Sual Ṭheu

Vietnam fala kum 22 mi Tram Xiu cu damlonak danglam zet a neih ruangah kum 6 a kim ihsin a thang thei nawn lo. A hmingai cu Tan Thi Ai Tram a si, phunsang tlawng university a kai rero lai.

Tlawng an ap pekte ah tlawng sayama pawlin a nauhak tuk lai tin an rak cohlang lo ruangah hringtu a nu in a birth certificate ava la ih cumi hnu lawngah an cohlang.

A tlawngkainak khalah tlawngta pawlin nauhak te vekin an zoh ringring, a taksa pumruang a te tuk nan a hnipuan hruhdan cu a milaw thei zet.

Online fehtlang in hna a ṭuan ih mi ṭhenkhat in ‘Nauhak tete ih’ tin an soisel ṭheu, ca a thiam in a fim tuk ruangah mipi in an ngaina zet. Tu’ahcun amahten dawr a ong thei zo ih “A harsa zet nan ka hlim tuk thotho. Fashion shop ong cu ka sunmang a si ih tu’ah ka ong thei zo” a ti.

Be the first to comment

Leave a Reply

Your email address will not be published.


*