Fala Le Tlangval Tuamthup An Kai Ih Fala An Sualpi

Malaysia, Terengganu ih tlawnginn kiangah fala le tlangval duhaw an rak tuamthup, May 14 ah nuam an rak cen.

An rinlo laitak ah mipa pahnih kum 21 le kum 28 mi in an va tibuai, anmah cu khuasung kiltu vekin lem an cang ih ‘Anti-Vice officers’ kan si an tiaw.

Cozah hnaṭuan vekin an um ih an vengsung ah zoh mawi lo zetin an cangvaih ruangah RM1,000 zat an kuanter, an pek lo asilen thawng an tla thei tin an hringhro bet.

Fala le tlangval in sumpai an rak nei lo ruangah an beidong tuk, lamzin dang an hawlsak ih fala kum 19 mi cu an hruaisak.

Hotel ah an fehpi ih an sualpi hnuah an tlungter sal, fala in a duh lo nan a tlangval thawn an rak umdan pawl cu a innsang in an thei ding ti a phang ruangah an duhdan vekin aum. Malaysia palik pawlin misual 2 cu an hawl ih June 5 ah an kai ngah, pawngsual thubuai an orhter ih June 10 ah thuṭhennak an nei ding.

Be the first to comment

Leave a Reply

Your email address will not be published.


*