Nunau Unau Hnih Cu Ramlak Ah Ek Thawh Dingin An Va Feh Ih Thihnak An Tong

Mandalay peng, Innet khua ih um fala kum 17 mi Ma Kay Khaing Phyo le a naunu kum 12 mi Ma Thiri Aung cu zan nazi 7:00 hrawngah ek thawh dingin an feh. An inn kawt ramlak ah ek thawh dingin an thlunaw.

Cumi hnuah Ma Thiri Aung in, “Ka pa ra aw! Ko Ko Oo in nam’n in dawt” tin a au ciamco. An hmunnak cu an inn ihsin pi 300 hrawngin a hla. Hringtu a pa cu ava tlan hngal ih a fanu upatu cu nam satnak ruangah arak thi zo, a lu le a kut ah nam satnak hliamhma a tuar. A fanu nautatu khal nam ih dawtnak hliamhma pahnih a tuar ve.

Kum 12 mi Ma Thiri Aung in an thilton mi cu hitin a rel. A unu Ma Kay Khaing Phyo le an khua tlangval Ko Ko Oo hi an duhaw, an duhawknak cu a rei zo. Himi zan ah Ko Ko Oo in ruk a tum ih a duh lo ruangah nam in a sat thu a phuang, amah khal arak au ciamco ruangah nam in veihnih a dawt thu upa pawl hnenah a sim thei.

A hmun ah palik le khuatlang upa pawl an va feh ih thilumdan pawl an zingzoi, tualthattu kum 25 mi Ko Ko Oo khal an kai zo. Hliamtuar Ma Thiri Aung cu siizung ah an tuamhlawm rero lai, Ma Kay Khaing Phyo ih ruak cu siizung ah zohdiknak an nei.

Be the first to comment

Leave a Reply

Your email address will not be published.


*