Fala Pakhat Cu An Innsang An Harsat Tuk Ruangah A Thianghlimnak A Zuar

Malaysia fala pakhat in a thianghlimnak (virgin) cu an ram sumpai RM6,000 in a zuar, online fehtlang in a zuar ih soiseltu le a lamtangtu an um.

Hmin tarlang rem lo fala cun, “Kei hi fala virgin lai ka si. Kan innsang ah harsatnak nasa zet kan ton ruangah ka thianghlimnak cu RM6,000 in ka zuar, in theithiam hram uh. Ka lungawi” tin video thawn a tlangthan.

Soiseltu pawlin, “Ziangvek ih harsatnak nan tong asikhallen nangmah le nangmah kha phatsan aw hlah. Hitin na thianghlimnak na zuar cu a poi tuk, lamzin dang hawl sawn aw. Nan harsatnak cinfelnak dingah lamzin dang aum ko ding. Taima zetin hnaṭuan awla lamzin dang aum ko ding.

Hitin na taksa na zuar aw asikhallen hmailam caan ah na siraw leh ding. Malaysia ramsung ah miharsa pawl bawmtu pawlkom dangdang an um ih theihternak va tuah sawn aw” an ti. A lamtang pawlin, “Innsang harsatnak ngaingai hi nan tong hrih lo, a tong zotu pawl cun taksa zuarawk hi poi an ti lo.

Fanu tam zet cu innsang harsatnak ruangah ramdang ah mihnenum in hna an va ṭuan ih duhhril ding dang an neih lo ruangah taksa zuar aw khal an um. Sumpai ruangah, innsang ruangah an taksa an zuar aw. Harsatnak an tongmi hi nan theihthiampi lo ahcun daiten rak um men uh, thuṭhentu rak ṭuan hlah uh” an ti.

Be the first to comment

Leave a Reply

Your email address will not be published.


*