Fala Pakhat Cu Haṭhuahsii Aiah Zinghnam Sii A Hmangsual Ih A Thi

Mumbai fala kum 18 mi in haṭhuahsii aiawh zinghnam sii (tursia) a hmangsual ih a thih phah thu theih a si. A hmin cu Apsana Khan a si ih kum 18 mi a si. September 3 zinglam nazi 10:00 hrawngah a tho ih a ithmu tuk lai in a haa a ṭhuah.

Haṭhuahsii kiangah zinghnam sii an rak ret ih theithiam loin a hmangsual. Haa a ṭhuah rero laiah danglam a ti tuk ih a phuisal, a kaa khal a ṭhuah ciamco.

Cumi hnu reilote ihsin a luzing ih a cau cih, asinan a nulepa in an kawk ding a phang ruangh a sim ngam lo. A bese deuhdeuh ih a nu in a umdan a dik lo tin thu a sutfiah hnuah haṭhuahsii aiah zinghnam sii a hmangsual thu a sim.

Sion hospital ah an tlanpi hngal ih ṭhalam a pan thei cuang lo, ṭhalam a pan thei cuang lo ruangah siizung pathum ah an tlanpi. Asinan September 12 sun ahcun JJ hospital ah a natnak tuar nawn loin mual a liam.

Tuamhlawmtu sibawi in a thihnak san cu zinghnam sii (tursia) ruangah a si tin a nenhnget. Cun, a samples pawl cu forensic testing tuah dingin kan kuat lai a ti. Palik pawl khalin an zingzoi hnuah “An haṭhuahsii kiangte ah zinghnam sii an ret ti kan thei, theithiam loin arak hmangsual. A thihnak cu accident pang ih thi a si” tin an ngankhum. (Ref: India Times)

Be the first to comment

Leave a Reply

Your email address will not be published.


*