Fala Pakhat Cu Muslim Ihsin Christian Ih A Lut Ruangah A innsang Pawlin An Dawi Nan A Ngaithiam

Fala Nikta cu Iran ram, Tehran khua ih piang a si. Muslim innsang ih thanglian a si. A nauhak laiah a nulepa in US, California khawpi ah an vaihpi. A nulepa in nitinten Muslim sakhua thuhla an zirh ṭheu, a pilepu cu Muslim hngetkho zet an si.

College a kai laiah Christian tlangval anei, a tlangval hi a hmin men ih Christian pawl a si ih sakhuanak thuhla ah a buai lo. Nikta in a nun ah harsatnak phunphun a tong ih mah le mah thatawk tiang arak tum.

Veikhat cu a nu in thal tlawng cawlh caan ah Iran ram ah tlawng dingin a ti, an nunphung le sakhua theifiang dingin a hruai tum nan Nikta in a duh lo ruangah phuahhlam phunphun a hawl. Asinan, a nu in a hruai thotho ih a pu tei inn ah an va thleng.

A zan ah a manglam vekin Jesuh a hmu ih “In thlun aw” a ti. Nikta in, “Ka lo thlun thei lo” a tiih Jesuh in avun zoh ih “In thlun aw” a tisal hnuah a hlo. California an kirsal hnuah a tlangval hnenah Christian sakhua zumnek le umdan pawl a sutfiang, a tlangval cu Christian miṭha a si lo nan a fala in a sutnak ruangah khawmnak ah a hruai ṭheu.

Cutin, thla a cam ṭheu ih Christian ah a lut. A tlangval khal Christian miṭha ah a can phah, a nulepa in Christian ih a lut ruangah kut an thlak. A pa in a kawk ih a nam tlu hnuah a lu ah a pal. A nu in, “Ka fa na si nawn lo” a tiih inn ihsin an dawisuak.

A tlangval thawn an umtlang hnuah an neiaw ih tu’ahcun fa pakhat an nei zo. Nikta in ‘Pathian in midang ngaidam dingin in zirh vekin ka nulepa cu ka ngaidam’ a ti. A nulepa cu ava bia ṭheu ih a lem thei, an kutsihnak khalah a nulepa cu an va telve.

A pa khal Christian ah a lut lo nan a fanu ih thlacam sak cu a duh. A nulepa khal biakinn ah an feh ṭheu ih an thinlung khal a nen nan Christian ahcun an lut hrih lo. Nikta in, “Ka pai thinlung a nen thei cu thilmak zet a si” a ti. Nikta cu Christian a lut hnuah an ram Iran ah a tlawng nawn lo, Iran ram ahcun an sakhua ihsin Christian ih lut pawl cu an hrem that ṭheu.

Be the first to comment

Leave a Reply

Your email address will not be published.


*