Fala Thuhla Ruangah Mino Tualthatnak A Thleng

Shan State, Tachileik khua ah fala thuhla ruangah mino pawl an buai ih tualthatnak a thleng. Mino pawl cu kum 18 khal an kim hrih lo. August 10, 2022 zan ah Sansain (B) vengsung lamzin kap ih tikuang ah zo ti theih lo mithi ruak an sar, a taksa parah vuakvelhnak hliamhma nasa zet a tuar.

Ṭuanvo neitu pawlin siizung ah an phurlut ih zohdiknak an nei hnuah mithi cu tualsung mino Maung Kyaw Zin Win a si ti an thei. A upa Ko Aung Phyo Wai in Zaw Min timi Facebook hmangtu thawn ṭongkam an ekawknak cakuat pawl a hmuh thu palik hnenah a sim thei.

Maung Kyaw Zin Win ih fala cu Zaw Min ih fala hlun arak si ruangah buainak an nei ih lenglam ah sual aw dingin an ngiar aw. Zaw Min Facebook neitu cu an zingzoi ih Mekong vengsung ih um motor tuahnak hmun ih hnaṭuan Zaw Min Htwe ti an thei.

Zaw Min Htwe cu palik pawlin an va kai ih August 9 zan ah tual an that thu a phuang aw, a hnaṭuanpi pathum Thein Htay Aung, Ne Htoo Naing le Myo Min Thant pawl thawn an that thu a phuang aw. Pakhat le pakhat sual aw dingin an ngiar aw nan minung 4 le pakhat an rak si. Tualthattu 4 cu kum 18 hnuailam thluh an si ih palik pawlin an kai.

Be the first to comment

Leave a Reply

Your email address will not be published.


*