Falam Ah CDM Tuah Aiawh Ih Hna Rak Dil An Um, Ramlak Ah Nauhak Tam Zet An Relh. Raltlan Nauhak Pawl Hmaisong Lo Ih Tlawng Hmin Petu Hnenah Ralrinnak Pek A Si

Tuizing May 26 ah Falam khawpi ah bomb veihnih a puak, zingpit nazi 2:00 hrawngah အ.ထ.က(၂) tlawnginn le အ.မ.က (၅) tlawnginn ah bomb a puak. Zingpit ih thilthleng a si ih mithi le hliamtuar an um lo nan tlawnginn cu a siat thluh. Zo pawlin bomb an puah ti cu theihfiang a si hrih lo.

Falam khuasung ah tlawngkai dingin hmin pe an um hnuaihni zo ti theih a si. Falam CNDF in ralkap thulung ih tlawngkai tum pawl hnenah ralrinnak an pe. “Ralkap in thuneihnak an lak hnu ihsin mi tampi cu an inn le lo suahsan in ramlakah an tlan.

Mino tam zetin an nunnak hlanin doawknak ah an tel, tlawngkai ding rual nauhak le mino tam zet khal tlawngkai thei loin an tlan. Tlawngkai ding rual mino tam zetin rampi zalennak ngah dingin an sual rero laiah ralkap thulung in Falam saya/sayama le nulepa in nauhak pawl tlawngkai dingin an rak tawlrel ti kan thei.

Nan cangvaihnak pawl cawlh hngal dingin kan lo theihter, nan cawl lo asilen a ṭuldan in hremnak kan lo pe ding” an ti. Cozah hnaṭuan pawl khal CDM an tuah ruangah an hna ihsin an ban ih an hnaruak rak beisei ih hna diltu an um ruangah CNDF pawlin cawlh hngal dingin theihternak an tuah. An cawl lo asilen hremnak an pe ding.

Ralkap lamtang mipi le dalan pawl hnen khalah theihternak an tuah ih zo pawl an si ti khal an thei thluh zo, an zohthup ringring ih an cangvaihnak ihsin an cawl lo asilen an nunnak hrangah a ṭihnung thu an theihter.

Be the first to comment

Leave a Reply

Your email address will not be published.


*