Falam ah COVID-19 in Minaa 1 Thi Bet (June 22)

June 22, 2021 (mizaan) nazi 8:00 hrawngah Matubuk vengih Salai Lal Eng Lian (kum 25) cun an inn ah in cem san ih siizungah a ruang cu zaan khat ret a si hnu tuzing (June 23) zinglam nazi 8:00 ah Volunteer pawl in thlanmual ah an vuiliam zo tiah theih a si.

COVID-19 nathrik cu Falam Siizungpi OPD ih nat zohfelnak ah June 21 ah mi 15, June 22 (mizaan) ah mi 6 hnen an hmu ih June thla sungah nat neitu 129 an hmu thlang a si.

June 23 (tuni) ah COVID-19 minaa zohkhenmi 71 an um rero laifang a si. COVID-19 ruangih Falam peng sungah a thimi pawl cu: June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81),

June 13 ah Pu Sui Ceu (Kum 67), June 16 ah Mai Lal Muan Kim (Kum 27) le June 18 ah Pi Za Nawn Kai (Kum 79), June 19 ah Pastor Thang Hre Mang (kum 33), June 21 ah Pi Lun Khaw Niang (kum 76), June 22 ah Salai Lal Eng Lian (kum 25) pawl an siih Falam khuasung ihsin mi 6, Falam pengsung ihsin mi 8 an thi zo a si. (Falam Community Media)

Be the first to comment

Leave a Reply

Your email address will not be published.


*